تہران: ایران کے شہر تہران میں غیر قانونی عمارت کو گرانا مہنگا پڑ گیا، غلط طریقے سے عمارت گرانے سے 5 افراد ہلاک ہو گئے۔
غیر ملکی میڈیا رپورٹس کے مطابق ایران کے دارالحکومت تہران میں متعدد عمارتیں گرنے کے نتیجے میں کم از کم پانچ افراد ہلاک ہو گئے، جن میں 3 پولیس اہلکار بھی شامل ہیں۔
جائے حادثہ سے کچھ زخمیوں کو بھی اسپتال منتقل کیا گیا، رپورٹس کے مطابق گرائی جانے والی عمارت نے دیگر پانچ عمارتوں کو بھی اپنے ساتھ گرا دیا جس سے جانی نقصان ہوا۔
At least five people killed as several buildings collapse in Iran’s capital Tehran in planned demolition gone wrong.
Read more: https://t.co/aKCNzE8zPw pic.twitter.com/buYF2nMw7K
— Sky News (@SkyNews) August 9, 2023
ایرانی میڈیا کے مطابق پولیس اہلکار جنوب مغربی تہران میں غیر قانونی عمارتیں مسمار کرنے کی منصوبہ بندی کر رہے تھے کہ پہلی عمارت کو گرانے کی کوشش کے دوران پانچ دیگر گر گئے۔
مقامی اخبار کے مطابق تہران شہر میں گزشتہ دو سالوں میں 46 ہزار سے زائد غیر مجاز عمارتوں کو مسمار کیا گیا ہے، جب کہ مئی 2022 میں ایران کے جنوب مغرب میں ایک عمارت گرنے سے 43 افراد ہلاک ہوئے تھے۔
