ویلیٹا : پاناما پیپرز میں اہلیہ کا نام آنے پر مالٹا کے وزیراعظم نے حکومت توڑ کر نئے الیکشن کرانے کا اعلان کردیا۔
تفصیلات کے مطابق پانامہ لیکس کے پیپرز نے دنیا بھر میں ایک تہلکہ مچایا ہوا ہے، پیپرز میں نام آنے کے بعد مختلف ممالک کی کئی اہم شخصیات اپنے سرکاری عہدوں سے مستعفی ہوئیں تو کئی لوگ اس کیس مقدمات کا سامنا کر رہے ہیں اسی حوالے سے مالٹا کے وزیراعظم جوزف مسکت بھی اپنے عہدے سے مستعفی ہوگئے ہیں۔
اس کی وجہ یہ نہیں کہ وہ خود اس معاملے میں ملوث تھے بلکہ انہوں نے پانامہ پیپرز میں اپنی اہلیہ کا نام آنے پر استعفیٰ دیا۔
پاناما پیپرز میں وزیراعظم مالٹا جوزف مسکت کی اہلیہ کی آف شور کمپنیاں سامنے آئی تھیں جس کے بعد انہوں نے وزارت عظمیٰ سے استعفیٰ دے کر ملک میں نئے الیکشن کرانے کا بھی اعلان کردیا ہے۔
مزید پڑھیں: پاناما لیکس : مالٹا کےعوام کا وزیراعظم کیخلاف مظاہرہ، استعفے کا مطالبہ
اس سے قبل اپریل2016میں پاناما لیکس کے انکشافات کے بعد مالٹا میں بھی ہنگامہ برپا ہوگیا تھا، ہزاروں افراد نے مظاہرے کے دوران وزیراعظم جوزف مسکت سے استعفےکا مطالبہ کیا۔
ویلیٹا میں ہونے والے مظاہرین کا کہنا تھا کہ وزیراعظم کو اخلاقی طور پر حکومت کرنے کا کوئی اختیار نہیں رہا۔ انہیں فوری مستعفی ہو جانا چاہیئے، انہوں نے کہا کہ کرپٹ حکمرانوں کو کسی صورت برداشت نہیں کیا جائے گا۔
