site
stats
اے آر وائی خصوصی

سیدناعثمان غنیؓ کا یوم شہادت آج عقیدت واحترام سےمنایاجارہاہے

خلیفہ سوم سیدنا حضرت عثمان غنیؓ کا یوم شہادت آج ملک بھر میں انتہائی عقیدت و احترام سے منایا جا رہا ہے۔

حضرت عثمان غنی رضی اللہ عنہ نے اپنی ساری زندگی دین اسلام، محبت رسول اور مخلوق خدا کی خدمت میں گزاری، حضرت عثمان غنی رضی اللہ عنہ عبادت، حیاء، تقوی، طہارت، صبر، شکر کے پیکر تھے۔

حضرت عثمان غنی رضی اللہ عنہ اعلیٰ سیرت و کردار کیساتھ ساتھ اپنی ثروت و سخاوت میں مشہور اور شرم وحیا کی صفت میں بے مثال تھے۔ آپ رسول اللہ کے داماد تھے اور آپکو ذوالنورین کا خطاب بھی ملا تھا۔

حضرت عثمان غنی رضی اللہ عنہ نے دین اسلام اور اللہ تعالی کی رضا کے لیے ہر قربانی کو قبول کیا، آپ رضی اللہ عنہ کی شہادت اٹھارہ ذی الحج پینتیس ہجری کو مدینہ منورہ میں ہوئی۔

آج حضرت عثمان غنی رضی اللہ عنہ کے یوم شہادت کے موقع پر ملک بھر میں جلسے، سیمینار اور دیگر تقریبات منعقد کی جارہی ہیں، جس میں مقررین سیّدنا حضرت عثمان غنیؓ کے فضائل و مناقب، سیرت و کردار اور آپ کی بے مثال فتوحات پر روشنی ڈالتے ہوئے ان کو خراجِ عقیدت پیش کررہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top