اسلام آباد: سابق صدر آصف علی زرداری نے اسلام آباد میں سعودی سفارت خانے کا دورہ کیا اور سعودی سفیر سے شاہ عبداللہ کی وفات پر تعزیت کا اظہار کیا۔
سابق صدر زرداری کے ہمراہ راجہ پرویز اشرف اور یوسف رضا گیلانی بھی تھے،صدر زرداری نے سفارتخانے میں رکھی گئی مہمانوں کی کتاب میں شاہ عبداللہ بن عبدالعزیز کی وفات پر تعزیتی پیغام لکھا۔
اس موقع پر انہوں نے سعودی سفیر کے ساتھ ملاقات کی اور یمن بحران پر پیپلز پارٹی کی جانب سے مکمل تعاون کا یقین دلایا،ان کا کہنا تھا کہ پیپلز پارٹی سعودی عرب کی سلامتی اور بقا کی ہر ممکن حفاظت کرے گی۔
سابق صدر زرداری کا کہنا تھا کہ کوئی عقل مند جنگ کی حمایت نہیں کرسکتا، حرمین شریفین کی حفاظت پر مسلمان پر فرض ہے۔
اگر کسی نے سعودی عرب کی جغرافیائی حدود میں داخل ہوکر جارحیت کی کوشش کی تو سعودی عرب کی مکمل حمایت کریں گے۔
Comments
- Advertisement -
