لاہور: عمران خان نے دعوی کیا ہے کہ اسی سال الیکشن ہوں گے اور پی ٹی آئی حکومت بنائے گی۔
بنی گالہ میں صفائی مہم کے دوران پی ٹی آئی چیئرمین عمران خان کا کہنا تھا وزیراعظم سے تعلقات بہتر تھےتو انہیں بنی گالا میں پارک کی باؤنڈری بنانے کا کہا تھا، باؤنڈری تو نہیں بنی لیکن صرف سڑک بن گئی۔
اُن کا کہنا تھا کہ نوجوانوں کاساتھ ہوا تو ماحول بہتر بنانے میں کردار ادا کریں گے۔
تقریب سے خطاب میں عمران خان نے بتایا کہ ماحول کو صاف ستھرا رکھنا اب ایک سائنس بن چکی ہے،خیبر پختون خواہ میں ماحول دوستی کے ماسٹر پلان پر عمل در آمد جاری ہے۔
اس موقع پر عمران خان نے بتایا کہ جب وزیر اعظم سے تعلقات اچھے تھے تب ان سے بنی گالا میں موجود پارک کو باؤنڈری کے ذریعے محفوظ بنانے کی درخواست کی تھی لیکن عمل درآمد نہیں ہوا،ساتھ ہی مسکراتے ہوئے یہ بھی کہ دیا کہ فکر کی کوئی بات نہیں،اسی سال نئے انتخابات ہوں گے،پی ٹی آئی بر سر اقتدار آئی تو ماحولیات کا تحفظ کیا جائے گا۔
