اسلام آباد :امریکہ اور برطانیہ نے پاکستان سے ممبئی حملے کے مرکزی ملزم ذکی الرحمن لکھوی کی حوالگی کی درخواست کر دی ہے۔
حکومتی ذرائع کے مطابق ممبئی حملے میں امریکہ، کیوبا، برطانیہ سمیت کئی ممالک کے شہری بھی ہلاک ہوئے تھے، ان دونوں ممالک کے ساتھ پاکستان کا مجرموں کی حوالگی کا معاہدہ ہے۔
دونوں ممالک کا مؤقف ہے کہ وہ اپنے شہریوں کے قتل کا مقدمہ اپنے ملک میں چلانا چاہتے ہیں۔
ذرائع کے مطابق ذکی الرحمان لکھوی کی حوالگی کی درخواست وزارتِ داخلہ کو موصول ہوئی ہیں تاہم حکومت نے ذکی الرحمان لکھوی کو کسی ملک کے حوالے کر نے کی بجائے اپنے ملک میں مقدمات چلانے اور انہیں رہا نہ کرنے کا فیصلہ کیا ہے۔
یاد رہے کہ اس سے قبل مرکزی ملزم زکی الرحمان لکھوی کو ضمانت پر رہا کردیا تھا ، بھارت نے زکی الرحمان لکھوی کی رہائی کی سخت الفاظ میں مذمت کی تھی اور دوبارہ گرفتار کرنے کا مطالبہ کیا تھا ، جس کے بعد ملزم زکی الرحمان لکھوی کو دوبارہ نظر بند کردیا گیا تھا۔
