آن لائن ریفرل کے نام پر ویب سائٹ بنا کر عوام سے لاکھوں روپے لوٹ لئے گئے۔
شاطر لوگوں نے ویب سائٹ لانچ کی جو آن لائن اکاونٹ کھلوانے کے بعد لوگوں کو ماہانہ منافع دیتی تھی، ویب سائٹ کا ممبر بننے کے لئے نجی بینک میں اکائونٹ کھلوایا جاتا تھا۔
متاثرین کا کہنا ہے کہ اکاونٹ ہولڈرز کو اپنے جاننے والوں کو ویب سائٹ پر لانے کے بعد زیادہ منافع ملتا تھا، پہلے مرحلے میں صارفین کو اچھا منافع دیا گیا،لاکھوں افراد کے پیسے بٹورنے کے بعد ویب سائٹ بند کر دی گئی، متاثرین نے بتایا کہ ایف آئی اے میں شکایت درج کروانے کے باوجوود کارروائی نہیں ہوئی۔
- Advertisement -
ماہرین کا کہنا ہے کہ ایف آئی اے کے پاس سائبر کرائم روکنے کے لئے قانون ہی موجود نہیں، بڑھتے ہوئے سائبر جرائم پر قابو پانے کے لئے مؤثر قانون سازی وقت کی اہم ضرورت بن گئی ہے۔