اسلام آباد: قائد حزب اختلاف خورشید شاہ کا کہنا ہے کہ اپوزیشن آئین جمہوریت اور پارلیمینٹ بچانے پر متفق ہے، عمران خان اور طاہرالقادری سے رابطہ کی کوشش کر رہے ہیں، عمران خان، طاہرالقادری سے بات چیت کیلئے تیار ہیں ،رات تین بجے سے عمران خان سے رابطے کی کوشش کر رہے ہیں۔
اسلام آباد میں سیاسی پارہ ہائی ہوگیا، انقلاب اور آزادی دھرنے میں گھری حکومت پر کڑا وقت ٹالنے کیلئے اپوزیشن میدان میں آگئی ۔اسلام آباد میں قائد حزب اختلاف کی زیر صدارت اپوزیشن جماعتوں کی بیٹھک ہوئی۔
پارلیمنٹ کے باہر میڈیا سے گفتگو کرتے ہوئے خورشید شاہ کا کہنا ہے کہ تمام جاعتیں جہموریت کی بقاء کیلئے ایک ساتھ کھڑی ییں، ہماری ضمانت پر حکومت نے انقلاب اور آزادی مارچ کی اجازت دی۔
خورشید شاہ کا کہنا ہے کہ ملک کی جمہوریت، آئین اور پارلیمنٹ کو بچانے کیلئے سب متفق ہیں، حکومت نے انتظامی طور پر کس طرح نمٹنا ہے یہ اس کامسئلہ ہے۔ ایسی کوئی بات نہ کی جائے جس سے ملک کو نقصان ہو اور بد نامی ہو۔
قائد حزب اختلاف خورشید شاہ نے کہا کہ ہم نے انا کا مسئلہ نہیں بنایا ہوا،جب وقت دیا جائے گا ہم بات کیلئے تیار ہیں،ہمارا کام ہے کہ ہم پل کا کام کریں۔
سید خورشید شاہ نے کہا اس وقت حکومت کو مشورہ دینے یا کوئی ضمانت دینے کی پوزیشن میں نہیں ہیں، اگر ریڈ زون کراس کیا جائے گا تہ یہ قابل افسوس بات ہوگی۔
