اسلام آباد: ایرانی وزیر خارجہ جواد ظریف کی وزیرِاعظم نواز شریف سے ملاقات ہوئی، ملاقات میں یمن کی صورتحال پر تبادلہ خیال کیا گیا۔
وزیراعظم ہاؤس میں ہونے والی ملاقات میں وزیرِاعظم نواز شریف نے یمن میں جاری بحران کے حل کیلئے مذاکرات پر زور دیا۔ملاقات میں پاک ایران سرحد سے متعلق امورکے علاوہ دونوں ممالک کے مابین باہمی تعلقات اور افغانستان کی صورتحال بھی زیر بحث آئی
وزیراعظم نے ایرانی وزیر خارجہ کی ترکی کے رہنماؤں سے ملاقات پر بھی اطمینان کا اظہار کیا، جس کے دوران اس بحران کو مسلم ممالک کے مابین مذکرات کے ذریعے حل کرنے کی ضرورت پر زور دیا گیا تھا۔
ایرانی وزیر خارجہ نے وزیرِاعظم نواز شریف کو یمن میں سیز فائرپر عملدرآمد کے حوالے سے بھی تجاویز پیش کیں۔
گزشتہ روز ایرانی وزیرِخارجہ جاوید ظریف نے دفتر خارجہ میں وزیرِاعظم کے مشیر برائے امورخارجہ و قومی سلامتی سرتاج عزیز سے ملاقات کی تھی۔
