کراچی: نبیل گبول نے عمران خان کی جانب سے ایم کیو ایم کو چیلنج کرنے پر مبارکباد دیدی.
تفصیلات کے مطابق حلقہ این اے 246 سے مستعفی ہونے والے سابق ممبر قومی اسمبلی نبیل گبول نے سماجی رابطے کی ویب سائٹ ٹوئٹر پر عمران خان کو حلقہ این اے 246 میں ایم کیو ایم کو چیلنج کرنے پر مبارک باد دی ہے۔
- Advertisement -
اپنے ایک ٹوئٹر پیغام میں ان کا کہنا تھا کہ پی ٹی آئی چیئرمین عمران خان نے حلقہ این اے 246 پر اپنا امیدوار کھڑا کر کے ایم کیو ایم کو دفاعی پوزیشن پر لا کھڑا کیا ہے۔
انہوں نے کہا کہ ایم کیو ایم کوپاکستان تحریک انصاف نے اس حلقے سے پہلی بار اپنے ووٹرز کیلئے سوچنے پرمجبور کردیا ہے۔
واضح رہے کہ لیاری سے تعلق رکھنے والے سابق حق پرست ایم این اے نبیل گبول کے استعفیٰ کے بعد خالی ہونے والی حلقہ این اے 246کی نشست پر ضمنی الیکشن تیئس اپریل کو ہوگا۔
