کراچی : حلقہ این اے دو سو چھیالیس میں تحریک انصاف کے امیدوار عمران اسماعیل نے انیس اپریل کا جلسہ اکیس اپریل کو کرنیکی تجویز دی ہے۔
تحریک انصاف کے امیدوارحلقہ این اے دو سو چھیالیس عمران اسماعیل نے فون کرکے پارٹی چیئرمین عمران خان کو انیس اپریل کا جلسہ اکیس اپریل کو کرنے کی تجویز دی۔
دونوں رہنماؤں نے حلقے کی صورتحال اور سیکیورٹی معاملات سمیت دیگرامور پربات چیت کی۔
دوسری جانب متحدہ قومی موومنٹ نےاین اے دو سوچھیالیس میں ہونیوالی ایم کیوایم کی آج کی ریلی منسوخ کر دی، ترجمان ایم کیو ایم کے مطابق ریلی کی منسوخی کا فیصلہ الطاف حسین کیجانب سےامن و محبت کی پالیسی کے تحت رواداری اور امن وامان کو یقینی بنانےکیلئے کیا گیا ہے۔
واضح رہے کہ گذشتہ رات جماعت اسلامی کی ریلی کے دوران ایم کیو ایم اور جماعت اسلامی کےکارکنوں میں تصادم میں تین افرادزخمی ہوئے تھے۔ دونوں جانب سے ایک دوسرے پر واقعے کی ذمہ داری عائد کی گئی۔
