امریکہ : امریکی عدالت نے بوسٹن دھماکوں کے ملزم جوخر سارنائف کو موت کی سزا سنادی، ایمنسٹی انٹرنیشنل نے سزا کی مخالفت کر دی ہے۔
ایک ماہ قبل جوخرسارنائف پر امریکی عدالت میں بوسٹن دھماکوں کے الزام میں فرد جرم عائد کی گئی تھی جبکہ اس وقت ملزم پر تیس کے قریب دیگر الزامات بھی ثابت ہوئے تھے۔
مقدمے کی سماعت کے دوران ملزم پر بم دھماکے کے چار روز بعد مقابلے میں ایک پولیس اہلکار کو فائرنگ کرکے قتل کرنے کا جرم بھی ثابت ہوا۔
جوخرسارنائف کے وکیل نےعدالت میں اعتراف کیا کہ ان کا موکل بم دھماکے میں ملوث ہے لیکن اس نے ایسا اپنے بڑے بھائی کے حکم پرکیا تھا، جو پولیس مقابلے کے دوران ہلاک ہوچکا ہے۔
دوسری جانب ایمنسٹی انٹرنیشنل نے جوخر سارنائف کو سزائے موت دینے کی مخالفت کر تے ہوئے بوسٹن بم دھماکوں کی مذمت کی،اور کہا کہ سزائے موت کا فیصلہ شدت پسندی کو فروغ دے گا۔
Comments
- Advertisement -
