اسلام آباد: بھارتی این جی اوآرٹ آف لیونگ کے دفاتر پر دہشتگردی کا خطرہ بڑھ گیا، سیکیورٹی اداروں نے تھریٹ الرٹ جاری کردیا ہے، تنظیم کے سرپرست شری شری روی شنکر بھارتی وزیرِاعظم نریندرمودی کے روحانی پیشوا بھی ہیں۔
سیکیورٹی اداروں نے تھریٹ الرٹ جاری کرتے ہوئے کہا ہے کہ بھارتی تنظیم آرٹ آف لیونگ کے زیرِانتظام ہونے والی یوگا سروسز کی تقریبات کے دوران تخریب کاری کےامکان کوخارج ازامکان قرار نہیں دیا جاسکتا، تنظیم کے زیرِاہتمام کراچی، لاہوراوراسلام آبادمیں تقریبات منعقد ہونگی۔
اس حوالےسے وزارتِ داخلہ نے حکومت سندھ ،پنجاب اورضلعی انتظامیہ اسلام آباد کو مراسلے جاری کردیئے ہیں۔
واضح رہے کہ بھارتی تنظیم آرٹ آف لیونگ پاکستان میں باقاعدہ طور پر رجسٹر نہیں اور اس کے باوجود کام کررہی ہے، تنظیم کے سرپرست شری شری روی شنکر دوہزارسات میں پاکستان کا دورہ کرچکے ہیں اورآئندہ بھی دورہ کرنے کا اعلان کرچکے ہیں۔
