بنگلہ دیش : سقوط ڈھاکہ کے اصل مجرم نے آخر کار اقرار جرم کرلیا ہے، نریندرمودی کو کرارا جواب دینے کے لئے پاکستان کے پاس کچھ بھی نہیں۔
بنگلہ دیش میں اپنے خطاب کے دوران بھارتی وزیراعظم مودی نے بھارتی جرائم کا اعتراف کرلیا کہ مکتی باہنی کے ساتھ مل کر مشرقی پاکستان میں مظالم ڈھانے میں بھارتی فوج کا ہاتھ تھا اور بنگلہ دیش بننے کے خواب کو پایہ تکمیل تک پہنچانے میں مدد کی۔
مودی کے بیان سے ثابت ہوگیا کہ مشرقی پاکستان میں دہشتگردی اور مسلح جتھوں کو بھارتی مدد حاصل تھی، جنہوں نے حالات خراب کئے۔
بھارتی وزیرِاعظم کے بیان کو کئی گھنٹے گزرنے پر بھی پاکستانی وزارتِ خارجہ کے کان پر جوں نہ رینگی۔
بھارتی وزیرِدفاع نےابھی کچھ دن پہلے بھی کہا تھا کہ مبینہ دہشتگردی کودہشتگردوں کے زریعے ختم کریں گے، بھارت کی دہشتگردی کی داستان مشرق پاکستان سے بلوچستان تک پھیلی ہوئی ہے۔
بنگلادیش میں سابق بھارتی وزیراعظم اٹل بہاری واجپائی کو بنگلادیش کی آزادی میں فعال کردار ادا کرنے کے لئے “بنگلادیش لبریشن وار آنر” سے نوازا گیا اور نریندر مودی نے واجپائی کے لئے یہ اعزاز بنگلادیشی صدر عبدالحمید کے ہاتھ سے وصول کیا۔
نریندر مودی نے کہا ہے کہ بنگلہ دیش کا قیام میں بھارتی شہریوں نے بھی کردار ادا کیا ہے۔
