اسلام آباد: وزیر اعظم نواز شریف نے کہا کہ بھارتی قیادت کےبیانات غیرذمہ دارانہ ہیں، پاکستان اپنے مفادات کاہرصورت میں تحفظ کرے گا۔
سفیروں کی کانفرنس سے خطاب کرتے ہوئے وزیراعظم نواز شریف کا کہنا تھا کہ پاکستان امن کا خواہاں ہے مگر ایسی خواہش یکطرفہ نہیں ہوسکتی، پاکستان اپنے مفادات کا ہر قیمت پر تحفظ کریگا,عالمی برادری بھارتی وزیراعظم کےبیانات کانوٹس لے۔
انہوں نے کہا خطے میں امن کیلئے پاکستان دہشتکردی کے خلاف کامیاب جنگ لڑرہا ہے، آپریشن ضرب عضب میں پاک فوج نے دہشتگردوں کی کمر توڑ دی ہے، دہشتگردوں کواپنی سرزمین پرٹھکانےبنانے نہیں دیں گے۔
وزیراعظم نے کہا کہ دنیا کا یہ خطہ وسائل سے مالا مال ہے، سارک ممالک آپس میں رابطوں کو تیز کریں،ہمیں خطےاورعالمی اقتصادی روابط کیلیےنئےمواقع تلاش کرناہوں گے۔
وزیراعظم کا کہنا تھا کہ پاک افغان سرحد پر امن دونوں ملکوں کی ذمہ داری ہے جب کہ افغان قیادت سے ان کی زمین پاکستان کے خلاف استعمال نہ ہونے کا کہا ہے۔
انہوں نے کہا کہ ہم اپنے مفادات کا تحفظ کرنا جانتے ہیں، پاکستان تحمل کے ساتھ چیلنجز کا مقابلہ کرتے ہوئے ترقی کی راہ پر گامزن ہے، پاک چین اقتصادی راہداری منصوبہ خطے میں گیم چینچر ثابت ہوگا، پاکستان کی معاشی صورتحال بہترہورہی ہے جس کا ثبوت افرادزر میں کمی اورزرمبادلہ کے ذخائز میں اضافہ ہونا ہے تاہم ابھی بہت اہداف حاصل کرنا باقی ہیں۔
