اسلام آباد: ترک وزیرِاعظم احمد اوغلو دو روزہ سرکاری دورے پر پاکستان پہنچ گئے ہیں، وفاقی وزیرِ منصوبہ بندی احسن اقبال نے ائیر پورٹ پر ان کا استقبال کیا۔
ترک وزیرِاعظم اپنے دورے میں وزیرِاعظم پاکستان نواز شریف سے ملاقات کریں گے، ملاقات میں دو طرفہ تعلقات کے علاوہ علاقائی مسائل اور بین الاقوامی مسائل پر بھی بات چیت کی جائے گی، ترِک وزیراعظم کے وفد میں اہم کاروباری شخصیات بھی شامل ہیں۔
اسلام آباد میں دونوں وزرائے اعظم کی قیادت میں ترک پاکستان اسٹریٹجیک کونسل کا چوتھا اجلاس بھی ہوگا۔
دو روزہ دورے کے دوران پاک ترک مشترکہ ورکنگ گروپس کے چھ اجلاس بھی ہونگے، جن میں معاشی ،تجارتی ،توانائی ،مواصلات ،تعلیم ثقافت اور سیاحت کے شعبوں میں معاہدے ہونے کا امکان ہے۔
ترجمان کے مطابق صدرِمملکت ممنون حسین ترک وزیرِاعظم اور ان کے وفد کے اعزاز میں عشائیہ جبکہ وزیرِاعظم نوازشریف ظہرانہ دینگے۔
