مدینہ منورہ : وزیر اعظم نواز شریف نے کہا ہے کہ حقیقی سیاسی قوتوں کے ساتھ ملکر جمہوریت کے خلاف سازشوں کو ناکام بنا دیں گے. عوام کو ایک موٹر وے پہلے دی اور ایک اب دیں گے۔
وزیر اعظم نواز شریف آج اپنے اہل خانہ کے ساتھ مدینہ منورہ میں عید منارہے ہیں، وزیر اعظم نے نماز عید مسجد نبوی میں ادا کی، عالم اسلام اور پاکستان کے لئے خصوصی دعائیں کیں۔
نواز شریف کا کہنا تھا کہ پاکستان کا مستقبل جمہوریت سے وابستہ ہے، عوام نے مسلم لیگ(ن) کو پانچ سال کا مینڈیٹ دیا ہے، عمران خان جمہوریت مخالف آلہ کار بننے کی بجائے اپنی باری کا انتظار کریں، انکا کہنا تھا کہ طاہرالقادری مذہب کو ڈھال بنا کر فساد برپا کرنا چاہتےہیں ، تمام مسائل کا حل پارلیمنٹ کے اندر کیا جائے گا۔
وزیر اعظم کا کہنا تھا کہ ترقیاتی کاموں کے بڑے منصوبے شروع کئے جاچکے ہیں، ایک موٹروے پہلے دی ایک اب دیں گے، عوام جمہوریت کے خلاف سازش کو ناکام بنا دیں۔
