کراچی : شہرمیں دہشت گرد اب بھی آزاد ہیں۔ آج بھی دو محافظ اور ایک مسیحا دہشت گردی کی بھینٹ چڑھ گئے۔ کراچی میں دہشت گردی کا سلسلہ تاحال جاری ہے۔
تفصیلات کے مطابق صبح ناظم آباد نمبر چار میں مسجد نور ایمان کےقریب فرائض کی انجام دہی کے دوران دو پولیس اہلکار نامعلوم موٹرسائیکل سوارٹارگٹ کلرز کا نشانہ بن گئے۔
جس کے بعد کراچی میں رواں سال جاں بحق اہلکاروں کی تعداداٹھارہ ہوگئی ہے۔دوسری جانب گلبرگ میں کلینک سے گھر جاتے ہوئے ڈاکٹر فاروق شیخ دہشت گردی کا نشانہ بنے۔
گلبرگ بلاک گیارہ کے رہائشی ڈاکٹر فاروق شیخ کو نامعلوم موٹر سائیکل سواروں نے فائرنگ کرکے قتل کیا۔ پولیس کے مطابق مقتول ڈاکٹر فاروق کوگھر واپسی پرٹارگٹ کلنگ کا نشانہ بنایاگیا۔
لانڈھی میں رینجرز نے چھاپہ مار کارروائی کے دوران پانچ افراد کو حراست میں لے لیا، زیر حراست افراد میں سے تین کا تعلق سیاسی جماعت سے ہے۔
