کراچی: پاکستان تحریکِ انصاف (سندھ) کی صوبائی صدراورمعروف سماجی کارکن زہرہ شاہد قتل کیس میں ملوث ایک اورملزم کوپولیس نے گرفتارکرلیا ہے۔
پولیس کا کہنا ہے کہ گرفتارملزم کانام زاہد زیدی ہے جس کا تعلق سیاسی جماعت سے ہے۔
چند روزقبل ساؤتھ انوسٹی گیشن پولیس نے ایک ملزم کوگرفتارکیا تھا، جس کے بارے میں یہ کہا جا رہا ہے کہ ملزم پاکستان تحریکِ انصاف کی رہنماء زہرہ شاہد کے قتل میں ملوث ہے۔
ایس پی انوسٹی گیشن فیض اللہ کوریجو کے مطابق گرفتارملزم نے دورانِ تفتیش زہرہ شاہد کے قتل کااعتراف کیا، ایس پی انوسٹی گیشن کا کہنا ہے کہ ملزم سے مزید تفتیش جاری ہے اورعدالت سے ریمانڈ ملنے کے بعد ملزم سے مزید تفتیش کی جائے گی، ایڈیشنل آئی جی کراچی غلام قادر تھیبو نے میڈیا کوبتایا کہ واقعہ ڈکیتی کا نہیں ٹارگٹ کلنگ کا تھا۔
پی ٹی آئی کی رہنماء زہرہ شاہد کوعام انتخابات دو ہزار تیرہ سے قبل کراچی میں اُن کے گھر کے باہرٹارگٹ کلنگ کا نشانہ بنایا گیا تھا۔
