ریاض: سعودی عرب کے دارالحکومت ریاض میں رہائشی عمارت میں آگ لگنے سے پانچ پاکستانی جاں بحق ہوگئے، صدر ممنون حسین اور وزیرِاعظم نوازشریف نے واقعے پر اظہارِ افسوس اور لواحقین سے ہمدردی کا اظہار کیا ہے۔
سعودی عرب کے محکمہ شہری دفاع کے مطابق فلیٹ میں آگ شارٹ سرکٹ کے باعث لگی، جس کے باعث پورے فلیٹ میں دھواں بھر گیا اور دم گھٹنے کے باعث 5 افراد جاں بحق ہو گئی، آگ عمارت کے مختلف حصوں میں پھیل گئی، آگ سے زخمی ہونے والے افراد کو اسپتال منتقل کردیا گیا۔
صدرممنون حسین نے پاکستانیوں کے جاں بحق ہونے پر اظہارِ افسوس اور متاثرہ خاندانوں سے ہمدردی کا اظہار کیا ہے۔
وزیرِ اعظم نوازشریف نے واقعے پر دکھ کا اظہار کیا اور پاکستانی سفارتخانے کو جسد خاکی وطن واپس لانے کا انتظام کرنے کی ہدایت کی۔
وزیرِاعظم نے آتشزدگی سے متاثرعمارت سے نکالے جانے والے پاکستانیوں کی ضروریات کا خیال رکھنے کی بھی ہدایت کی۔
