کراچی: سندھ کے صوبائی وزیر تعلیم نثار کھوڑو نے سندھ کے تمام تعلیمی اداروں میں دوران تدریس طلبہ و اساتذہ کے موبائل فون استعمال کرنے پر پابندی عائد کردی ہے۔
نثار کھوڑو کا کہنا ہے کہ احکامات فوری طور پر نافذالعمل ہوں گے، متعلقہ کالجز اور اسکولز کے ہیڈ ماسٹرز ان احکامات پر عمل درآمد یقینی بنائیں، معائنہ ٹیمیں اچانک اسکولز، کالجز کا معائنہ کریں گی، اچانک معائنے کے دوران اساتذہ یا طلبہ میں سے کوئی بھی خلاف ورزی کا مرتکب ہوا اس کے خلاف قوانین کے مطابق کارروائی کی جائے گی۔
تدریسی اور غیر تدریسی اسٹاف تدریس کے اوقات میں موبائل فون استعمال نہیں کرسکیں گی یہ احکامات امن و امان کی صورتحال کو مدنظر کر کیے گئے ہیں، انہوں نے امید ظاہر کی ہے کہ تمام متعلقہ افراد ان احکامات پر عمل کریں گے، موبائل فون کا غیر ضروری استعمال تدریسی عمل کو متاثر کرتا ہے۔
Comments
- Advertisement -
