لاہور : سونے اور کرنسی سمگلنگ کے مقدمے میں ملوث ملک کی اہم شخصیت کے قریبی ساتھی کے 11 کارندے حراست میں لے لئے گئے جبکہ تین دکانیں بھی سیل کر دی گئیں۔
کسٹمز اینٹی اسمگلنگ ذرائع کے مطابق سونے اور کرنسی کی اسمگلنگ کے مقدمے میں اہم پیش رفت ہوئی ہے، ایف آئی اے نے سونا اور کرنسی لےکر بیرون ملک جانے والے عبد الباسط کی نشاندہی پر توفیق عرف ٹافی بٹ کی ایئرپورٹ میں قائم تین دکانوں کو سیل کر دیا گیا، کسٹم انٹلی جنس نے توفیق کے گیارہ ساتھیوں کو بھی حراست میں لے لیا ہے ۔
ملزم عبد الباسط نے دورانِ تفتیش بتایا تھا کہ اس کے پاس سے برآمد ہونے والا پندرہ کلو سونا اور تین کروڑ روپے مالیت کے یورو اہم شخصیت کے قریبی ساتھی توفیق عر ف ٹافی بٹ کی ملکیت ہیں ۔
عبد الباسط نے یہ بھی بتایا تھا کہ وہ درجنوں بار توفیق بٹ کا سامان اسمگلنگ کر کے بیرون ملک منتقل کرچکا ہے۔
Comments
- Advertisement -
