اسلام آباد: سپریم کورٹ نے سندھ اور پنجاب کے بلدیاتی الیکشن کیلئے جمع کرایا گیا انتخابی شیڈول مسترد کرکے آج ہی نیا شیڈول جمع کرانے کا حکم دے دیا۔ سماعت دس مارچ تک ملتوی کردی گئی ہیں۔
سپریم کورٹ میں بلدیاتی انتخابات کے کیس میں عدالت نے سندھ اور پنجاب کے حوالے سے جمع کرائے گئے شیڈول کو مسترد کرتے ہوئے آج ہی نیا شیڈول جمع کرانے کا حکم دے دیا۔
عدالت نے اسلام آباد میں انتخابات کیلئے شیڈول دس مارچ تک جمع کرانا کی ہدایت کی جبکہ عدالت نے کے پی کے اور کنٹونمنٹ بورڈ میں انتخابات کیلئے دیا گیا نیا شیڈول منظور کرلیا ہے۔
سماعت کے دوران جسٹس ایس خواجہ نے اپنے ریمارکس میں کہا کہ جمع کرایا گیا انتخابی شیڈول مناسب نہیں، انتخابات میں ایک دن بھی تاخیر ہونے نہیں دینگے۔
گزشتہ روز سپریم کورٹ نے کہا ہے کہ الیکشن ہو یا کرکٹ کسی میدان میں بھارت کا مقابلہ نہیں کرسکتے، سپریم کورٹ نے خیبرپختونخوا میں ستمبر میں بلدیاتی انتخابات کا شیڈول قبول کرلیا تھا
کنٹونمنٹ بورڈز میں بلدیاتی انتخابات پچیس اپریل اور خیبرپختونخوا میں تیس ستمبر کو ہوں گے۔۔ جسٹس جواد ایس خواجہ نے اپنے ریمارکس میں کہا کہ مقررہ وقت پرانتخابات کرانا الیکشن کمیشن کی ذمہ داری ہے، جسے نبھانے میں وہ ناکام رہا، انڈین الیکشن کمیشن انتخابات سے دو ماہ قبل پورا بھارت بند کر کے انتظام سنبھال لیتا ہے۔
انھوں نے کہا کہ الیکشن ہو یا کرکٹ کسی میدان میں انڈیا کا مقابلہ نہیں کر سکتے۔ بیلٹ پیپرچھاپنےکےحوالےسےپرنٹنگ کارپوریشن کےعذر پر طنزیہ کہا کہ بیلٹ پیپر بنگلہ دیش سے چھپوالیں،انہوں نے تجویز دی کہ الیکشن کمیشن اپنا پریس خود لگالے۔
