اسلام آباد: الیکشن کمیشن موجودہ اراکین پارلیمنٹ کے پاس موجود سونے کی تفصیلات منظرِعام پر لے آیا ہے، ایک چوتھائی اراکین کے پاس چھ ہزار ایک سواسی تولہ سونا ہے
غریب عوام کے بیشتر نمائندے سونے میں کھیل رہے ہیں، ایوانِ بالا سینیٹ میں ایک چوتھائی اراکین کے پاس چھ ہزار ایک سو اسی تولہ سونا ہے، پچیس اراکین کے پاس تیس کروڑ نوے لاکھ روپے کا سونا جبکہ پانچ اراکین کے پاس تین ہزار تین سو پچاس تولہ سونا ہے۔
سیف اللہ مگسی کے پاس ایک ہزار ایک سو تولہ، گل محمد لاٹ کے پاس ایک ہزار، روبینہ خالد کے پاس پانچ سو، اعظم ہوتی چار سو پچاس جبکہ جعفر اقبال تین سو تولہ سونے کا مالک و مختار ہیں۔
رضا ربانی کے پاس دو سو بیس، نزہت صادق ایک سو بیس، سلیم مانڈوی والا ایک سو چالیس، کلثوم پروین ایک سو بیس، عباس آفریدی ایک سو بیس، عثمان سیف اللہ ایک سو دس تولہ سونے کے مالک ہیں۔
سینیٹ کے جن دس اراکین کے پاس ایک سو تولہ سونا ہے، ان میں چوہدری شجاعت، مختار احمد، فاروق ایچ نائیک، سیعد غنی، الماس پروین، عبدالنبی بنگش، باز محمد خان، اکبر مگسی اور امر جیت ملہوترا شامل ہیں۔
