لیبیا کے جنوبی علاقے میں مقامی قبائل کے درمیان جھڑپوں کے نتیجے میں جاں بحق افراد کی تعدادچونتیس ہو گئی جبکہ بیس زخمی ہوگئے، جھڑپوں میں نائب وزیر زراعت کو بھی قتل کردیا گیا۔
سرکاری ذرائع کےمطابق جنوبی لیبیامیں حریف قبائلی گروپ کے درمیان جھڑپیں جاری ہیں، جنوبی مشرقی شہر کے مقامی سربراہ ایوب زوک کا کہنا ہے کہ لیبیا میں دو حریف قبائل کے درمیان آپس میں اختلاف شروع ہو جانے دوگروپ کے درمیان لڑائی شروع ہوئی۔
مارچ دوہزاربارہ میں ایک سو پچاس افراد کے جاں بحق ہونے اور سینکڑوں افراد کے زخمی ہونے کے بعد جنگ بندی معاہدہ طے پا گیا تھا تاہم جنگ بندی معاہدے کے کچھ عرصے بعد ہی ہونے والی جھڑپ کا یہ پہلا واقعہ ہے۔
دو سال سے قبل سابق آمر معمرقذافی کے معزول ہونے کے بعد لیبیا سیکیورٹی، لاقانونیت اور عدم تحفظ سے دوچار ہے، دوسری جانب غیر ملکی میڈیا کے مطابق نائب وزیر زراعت حسن الدرعی کونامعلوم افراد کی جانب سے سرت شہر میں قتل کیا گیا۔
