کراچی/ دبئی: کالعدم امن کمیٹی کے سرغنہ عزیربلوچ کی حوالگی کیلئےایف آئی اے کی خصوصی ٹیم کل دبئی جائے گی۔
کالعدم امن کمیٹی کے سرغنہ عزیربلوچ کی حوالگی کیلئے ایف آئی اے انٹرپول کی خصوصی ٹیم دبئی جائےگی،وزارت داخلہ ذرائع کے مطابق ڈپٹی ڈائریکٹر کی سربراہی میں ٹیم متحدہ عرب امارات حکومت سے حوالگی کی درخواست کرے گی۔
انٹرپول نے کالعدم امن کمیٹی کے سرغنہ کومسقط سے دبئی پہنچنے پرگرفتار کیاتھا۔حکومت سندھ نے پولیس ، رینجرزاہلکاروں کے قتل، اقدام قتل، اغوا برائے تاوان، بھتہ خوری اور سو سے زائد سنگین جرائم کی وارداتوں میں ملوث عزیربلوچ کے ریڈ وارنٹ جاری کررکھے ہیں۔
اے آروائی نیوز نے عزیر بلوچ کے ویز ےکی کاپی حاصل کرلی ہےجس میں اس نے اپنانام عبدالغنی ظاہرکررکھاہے لیکن تصویر اصلی ہے،معلوم ہوا ہے کہ عذیر بلوچ ایرانی دستاویزات پر سفر کر رہا تھا،عزیربلوچ کانام رحمان ڈکیت کی ہلاکت کے بعد منظرعام پرآیا تھا،پولیس ملزم کی گرفتاری کیلئے لیاری میں متعددچھاپے مار چکی ہے۔
