دبئی: آئی سی سی نے غیر قانونی بولنگ ایکشن کے سبب پاکستانی آف اسپنر سعید اجمل پر پابندی عائد کردی۔ خبر کی بریکنگ میں اے آر وائی نیوز پھر سب سے آگے رہا۔ سعید اجمل مشکل میں آگئے۔ آئی سی سی نے غیر قانونی بولنگ ایکشن کے سبب پاکستانی آف اسپنر پر پابندی عائد کردی۔
اے آر وائی نیوز نے سعید اجمل پر پابندی کی خبر سب سے پہلے بریک کی۔ سری لنکا کے خلاف گال ٹیسٹ میں سعید اجمل کا بولنگ ایکشن ایک بار پھر شکوک کی زد میں آیا۔ فیلڈ امپائرز نے آف اسپنر کی کئی گیندیں غیر قانونی ہونے کے خدشات کا اظہار کیا۔ آئی سی سی قوانین کے مطابق سعید اجمل کو اکیس روز کے اندر بائیو مکینک ٹیسٹ مرحلے سے گزرنا تھا۔
آسٹریلیا میں سعید اجمل کی بولنگ ایکشن کی جانچ پڑتال ہوئی جس میں وہ ناکام ہوگئے۔ ذرائع کے مطابق سعید اجمل کا مکمل بولنگ ایکشن غیر قانونی قرار دیا گیا ہے۔
ایکشن کی درستگی تک وہ بین الاقوامی میچز میں بولنگ نہیں کراسکتے۔ سعید اجمل فیصلے کے خلاف پندرہ روز کے اندر اپیل کرسکتے ہیں۔ پابندی کے سبب آف اسپنر آسٹریلیا کے خلاف سیریز سے باہر ہوگئے ہیں۔ اجمل کی آئندہ سال ہونے والے عالمی کپ میں بھی ان کی شرکت مشکوک ہوگئی ہے
