کراچی: ایم کیوایم نے کارکن کی ہلاکت کے خلاف سندھ بھر آج میں یوم سوگ کا اعلان کیا ہے،قمر منصور نے چیف جسٹس سے لاپتہ افراد کی بازیابی کیلئے جوڈیشل کمیشن بنا نے کی اپیل کی ہے۔
کراچی میں ایم کیوایم کے مرکز نائن زیرو پر نیوز کانفرنس میں رابطہ کمیٹی کے انچارج قمر منصور نے ایم کیوایم کے کارکن سہیل احمد کے قتل کے خلاف یوم سوگ اور شٹر ڈاؤن ہڑتال کا اعلان کیا۔
قمرمنصور نے لاپتہ افراد متعلق اصل حقائق جاننے کیلئے چیف جسٹس سے جوڈیشل کمیشن بنانے کی اپیل کی، قمرمنصور کا کہنا تھا کہ کچھ پولیس افسران سادہ لباس میں گینگ چلارہے ہیں۔
قمرمنصور کا کہنا تھا کہ پیپلز پارٹی کی حکومت ایم کیو ایم کوکچلنےکی کوشش کررہی ہے،ان کا کہنا تھاکہ کسی نےکوئی جرم کیا ہے تو اسےعدالت میں پیش کیا جائے۔
قمر منصور کا کہنا تھا کہ متحدہ کے کارکنان کے ماورائے عدالت قتل کی ذمہ دار پیپلز پارٹی ہے۔
