بوہری جماعت کے روحانی پیشوا سیدنا برہان الدین کی آخری رسومات کے موقع پر بھگڈر مچنے سے اٹھارہ افراد جاں بحق اور ساٹھ زخمی ہوگئے۔
بھارتی میڈیا کے مطابق داؤدی بوہرا جماعت کے روحانی پیشوا برہان الدین کے ہزاروں چاہنے والے ان کے آخری دیدار کے لئے ممبئی کے علاقے مالا بار ہلز میں واقع ان کی رہائش گاہ سیفی محل کے باہر جمع تھے کہ کہ اچانک بھگدڑ مچ گئی۔
بھگدڑ مچنے کی وجوہات کے بارے میں پتہ نہیں چل سکا، پولیس اور امدادی کارکنوں نے موقع پر پہنچ کر لاشوں اور زخمیوں کو اسپتال منتقل کیا، ایک سو دو سالہ سیدنا برہان الدین گذشتہ روز ممبئی میں نیند کے دوران حرکت قلب بند ہونے سے انتقال کرگئے۔
- Advertisement -
ان کی آخری رسومات آج بھنڈی بازار کے علاقے میں اداکی جائیں گی، یاد رہے کہ بوہری جماعت کے پیشوا برہان الدین گزشتہ روز ممبئی میں انتقال کر گئے تھے۔
