اسلام آباد : وزیراعظم نوازشریف نے کہا ہے کہ منفی سیاست کرنے والے ملکی مسائل میں اضافہ کر رہے ہیں، حکومت عوام کو درپیش مسائل تیزی سے حل کرنا چاہتی ہے۔
اسلام آباد میں اعلیٰ سطح اجلاس کی صدارت کرتے ہوئے وزیر اعظم کا کہنا تھا کہ حکومت عوام کو درپیش مسائل تیزی سے حل کرنا چاہتی ہے،ن لیگ کے پی کے حکومت کیخلاف تحریک عدم اعتماد کا حصہ نہیں بنے گی، ہماری توجہ پاکستان کے مسائل کے حل پر ہے، وزیر اعظم کا کہنا تھاکہ جمہوریت پریقین رکھتے ہیں،تحریک انصاف کی حکومت کو مدت پوری کرنی چاہئے۔
اعلیٰ سطح اجلاس میں وزیراعلیٰ پنجاب ،گورنر پنجاب، گورنر خیبرپختونخوا، وزیرداخلہ چوہدری نثار،پرویزرشید، خواجہ آصف اور راجہ ظفرالحق شریک ہوئے، اس موقع پروزیراعظم کاکہناتھا بجلی کی تقسیم کانظام بہترہونے کے بجلی کاضیاع کم ہوگا اور وہ ترقیاتی منصوبوں کی بروقت تکمیل کیلئے خود نگرانی کریں گے۔
