نیویارک : لوگوں کو ایپل کی جس اسمارٹ واچ کا انتظار ہے، وہ مارچ کے مہینے میں فروخت کےلئے پیش کی جارہی ہے، کمپنی کے چیف ایگزیکٹو آفیسر ٹم کُک نے ایپل کے سرمایہ کاروں کے ساتھ ہونے والی میٹنگ کے دوران اس کی فروخت کی تاریخ کا اعلان کیا۔
واضح رہے کہ ایپل نے نئے سمارٹ فونز اور کی فروخت سے ریکارڈ منافع حاصل کرنے کیساتھ ساتھ چین میں بھی فروخت کا نیا ریکارڈ بنایا ہے اور اب کمپنی کی فروخت کے ساتھ کامیابی کے اس سفر کو مزید آگے بڑھانا چاہتی ہے۔
ایک رپورٹ کے مطابق ایپل واچ کی بیٹری معتدل استعمال پر 19 گھنٹے تک لگا تار استعمال کی جاسکتی ہے اور یہ آ ئی پیڈ سے زیادہ بہتر ثابت ہونے والی ہے۔ ایپل واچ میں ایپل ایس ون پروسیسر استعمال کیا گیا ہے جو کہ آئی پوڈ کے برابر سمجھا جا سکتا ہے ۔اس گھڑی کا ریزولیشن بہت زبر دست ہے اور آئی پیڈ بھی اس کے سامنے بیکار نظر آتا ہے اور سنگل چارج پر اسے 19 گھنٹے تک استعمال کیا سکتا ہے۔
تاہم ایپل کی جانب سے بیٹر ی کو مزید طاقتور بنانے پر کام جاری ہے اور توقع ہے کہ یہ کام مارچ تک مکمل کرلیاجائے گا ۔349 ڈالرز کی یہ گھڑی خصوصی چب کی حامل ہے جو میموری سے لے کر اسکرین تک ڈرائیور سب کا خیال رکھے گی۔
ایپل نے گزشتہ سال ستمبر میں ہی اس گھڑی کو تیار کرنے کا اعلان کر دیا ہے تاہم اب اس نے اسے فروخت کرنے کی تاریخ کا اعلان بھی کر دیا ہے۔
