کراچی : ترجمان رینجرز نے کہا ہے کہ ایم کیو ایم کے مرکز نائن زیرو سے ملنے والے ایک سو چوبیس میں سے تریپن ہتھیار بغیرلائسنس کے ہیں۔
رینجرز نے نائن زیرو سے ملنے والے اسلحے اور اسلحہ لائسنسن سے متعلق تفصیلات جاری کردیں، ترجمان رینجرز کے مطابق گیارہ مارچ کو خورشید میموریل ہال میں چھاپے کے دوران ایک سو چوبیس ہتھیار بر آمد ہوئے تھے۔
جن میں ایس ایم جی،ایل ایم جی ،ایم فور،جی تھری،اور دیگ رائفلز شامل ہیں، ترجمان کا کہنا ہے ایک سو سات اسلحہ کے لائنسنز موصول ہوئے تھے جن میں چھتیس لائسنس برآمد ہونے والے ہتھیاروں سے مطابقت نہیں رکھتے۔
- Advertisement -
ترجمان رینجرز کا کہنا ہے کہ ایک سو چوبیس میں سے ترپن ہتھیا بغیر لائسنس کے ہیں، ان کا کہنا تھا کہمحکمہ داخلہ سے اسلحہ لائسنز کی مزید تصدیق کروائی جارہی ہے۔
