کراچی : یمن سے کراچی آنے والے بھارتی شہریوں کو خصوصی پرواز کے ذریعے بھارت بھیج دیا گیا۔
وزیرِاعظم نوازشریف کی ہدایت پر یمن سے آنے والے بھارتی شہریوں کو اُن کے ملک روانہ کر دیا گیا، بھارتی سفارتخانے کے عملے کے اہلکار بھارتی شہریوں کی روانگی کے وقت موجود تھے۔
گیارہ بھارتی شہریوں کو یمن میں محصور پاکستانیوں کے ہمراہ کل پاک بحریہ کے جہاز پی این ایس اصلت کے ذریعے یمن سے کراچی لایا گیا تھا۔
پڑوسی ملک کے شہریوں نے دو روز قیام کیا، وزیرِاعظم نے جذبہ خیر سگالی کے تحت حکام کو ہدایت کی، جس پر خصوصی طیارہ بھارتیوں کونئی دہلی لے کرجائے گا۔
خصوصی پرواز نئی دہلی ایئرپورٹ پر لینڈ کرے گی، بھارتی شہریوں نے روانگی سے پہلے مہمان نوازی پر پاکستان کا شکریہ ادا کیا۔
Comments
- Advertisement -
