اسلام آباد: چند اپوزیشن جماعتوں کی جانب سے نواز شریف سے استعفے کے مطالبے کے جواب میں وزیر خزانہ اسحاق ڈار نے باور کرادیا ہے کہ وزیراعظم کے استعفے کا سوال ہی پیدا نہیں ہوتا ہے۔
وزیر خزانہ اسحاق ڈار نے پریس کانفرنس کے دوران کہا کہ کوئی بھی احتجاج آئین اور قانون کے دائرے میں ہو تو کوئی اعتراض نہیں ہے مگر وزیر اعظم کے استعفے کا سوال ہی پیدا نہیں ہوتا، انہوں نے مزید کہا کہ پاکستانی کرنسی کی قدر میں مارچ سے استحکام ہے اور اس کی قدر میں کمی کا کوئی ارادہ نہیں ہے ۔
وزیر خزانہ کا کہنا تھا کہ سوئس حکام سے مذاکرات کیلئے چیئر مین ایف بی آر کی سربراہی میں وفد رواں ماہ کے دوسرے یا تیسرے ہفتے روا نہ ہوگا مگر ان مذاکرات سے کوئی امید نہیں رکھنی چاہیئے۔
Comments
- Advertisement -
