بورے والا: سادہ لباس پولیس والے وزیراعلیٰ شہباز شریف کی موجودگی میں اےآروائی نیوزکے کیمرہ مین عثمان علی پرٹوٹ پڑے، بدترین تشدد کا نشانہ بنا کر تقریب سے دھکے دیکر نکال دیا، وزیراعلی نے تحقیقات کا حکم دے دیا ہے۔
حق و سچ کی آواز بلند کرنا اے آروائی نیوز کا جرم بن گیا، پنجاب پولیس اے آروائی نیوز سے نالاں ہیں، وزیراعلیٰ پنجاب شہباز شریف کی بورے والہ میں تقریب کی کوریج کرنے والے کیمرہ مین پر پولیس نے تشدد کیا۔
بورے والہ میں اےآروائی نیوز کے کیمرہ مین عثمان علی پر ڈی پی او ویہاڑی محمد صادق کی مبینہ ایما پر دھکے، تھپڑ اور گھونسوں کی بارش کردی گئی، تشدد کرتے اہلکاروں کو نہ وزیراعلی کا خوف نہ عوامی ردعمل کا خطرہ بس شہبازشریف کی موجودگی میں تشدد کرتے رہے۔
وزیرِاعلی شہباز شریف نے واقعے کا نوٹس لیتے ہوئے تحقیقات کا حکم دے دیا۔
واضح رہے کہ اےآروائی نیوز کی ٹیم کو پہلے بھی ملک بھر خصوصا پنجاب میں حقائق عوام کے سامنے لانے پرمتعدد بار تشدد کا سامنا کرنا پڑا ہے۔
