اسلام آباد : پاکستان پیپلز پارٹی کے سینیٹر رحمان ملک نے چینی صدر کا دورہِ پاکستان ملتوی ہونے پر گہرے دکھ کا اظہار کرتے ہوئے کہا کہ وفاقی دارالحکومت کو مظاہرین سے جلد از جلد خالی کرانا ازحد ضروری ہے۔
رحمان ملک سیاسی جرگے اور پاکستان تحریک ِانصاف کے وفد سے ملاقات کے بعد میڈیا سے گفتگو کررہے تھے اور انہوں نے کہا کہ چینی صدر کا دورہ ملتوی ہونے کے بعد یہ بے حد ضروری ہوگیا ہے کہ معاملے کو جلد از جلد حل کر کے اسلام آباد کو مظاہرین سے خالی کرایا جائے
انہوں نے پارلیمنٹ کی اندورونی صورتحال ِ پر اظہار ِ افسوس کرتے ہوئے کہا کہ اپوزیشن کاجرگہ حکومت اور مظاہرین کے درمیان معاملات طے کرانے کی سرتور کوشش کررہا ہے۔