نیپئر: ویسٹ انڈیز نے یو اے ای کو باآسانی چھ وکٹوں سے شکست دے کر ورلڈ کپ کوارٹرفائنل کے لئے کوالیفائی کرلیا۔
نیپئیر میں کالی آندھی نے ہواؤں کا رخ موڑدیا، گروپ کے اہم میچ میں ویسٹ انڈیز نے ٹاس بھی جیتا اور میچ بھی جیت لیا۔
آئی سی سی ورلڈ کپ کے 41 ویں گروپ میچ میں ویسٹ انڈیز نے متحدہ عرب امارات کو 6 وکٹوں سے شکست دے دی، یو اے ای نے پہلے بیٹنگ کرتے ہوئے ویسٹ انڈیز کو جیت کےلئے 176 رنز کا ہدف دیا تھا، متحدہ عرب امارات کی پوری ٹیم 175 بنا کر آؤٹ ہو گئی تھی، نیپیئر میں ہونے والے کرکٹ ورلڈ کے گروپ اے کے اہم میچ میں ویسٹ انڈیز نے متحدہ عرب امارات کی پوری ٹیم کو 47.4 میں 175 آؤٹ کر دیا۔
حدف کے تعقب میں ویسٹ انڈیز نے ہدف 30.4 اوورز میں 4 وکٹوں کے نقصان پر حاصل کرلیا۔ ویسٹ انڈیز کی جانب سے ۔ڈیان اسمتھ 15، جانسن چارلس 55، مارلن سیمولز 9 اورآندرے رسلز 7 رنز بناکر آؤٹ ہوئے جب کہ جوناتھن کارٹل 50 اور دنیش رامدین 33 رنز کے ساتھ ناٹ آؤٹ رہے، یو اے ای کی جانب سے امجد جاوید اور منجولا گروج نے 2،2 وکٹیں حاصل کیں۔
ویسٹ انڈیز نے بہتر رن ریٹ کی بدولت اگلے راؤنڈ تک رسائی حاصل کی۔
