کراچی : ایم کیو ایم کی جانب سے شہر قائد میں پانی کی عدم فراہمی کیخلاف احتجاج کا سلسلہ جاری ہے۔
تفصیلات کے مطابق متحدہ قومی موومنٹ نےکراچی میں پانی کی قلت اور غیر قانونی ہائیڈرنٹ مافیا کیخلاف احتجاجی مظاہرہ کیا۔
پانی کی عدم فراہمی کے خلاف مظاہرے میں نارتھ کراچی، سہراب گوٹھ،سرجانی ٹاؤن اور ملحقہ علاقوں کے عوام نے بڑی تعداد میں شرکت کی۔
مظاہرے میں ایم کیو ایم اراکین رابطہ کمیٹی اراکین صوبائی و قومی اسمبلی بھی شریک تھے۔شہر کے پیاسوں نے واٹر بورڈ انتظامیہ، شرجیل میمن اور حکومت سندھ کیخلاف زبردست نعرے لگائے ۔
مظاہرین سے خطاب کرتے ہوئے سندھ اسمبلی میں اپوزیشن لیڈر خواجہ اظہار الحسن نے کہا کہ کراچی کو پانی کی فراہمی کے منصوبے کے فو ر کو التواء کا شکار کیوں بنایا جارہا ہے؟
ان کا کہنا تھا کہ عوام کو بوند بوند پانی کیلئے ترسایا جارہا ہےاور پانی کی قلت کے باعث کراچی تھر بنتا جارہا ہے۔
