لاہور: عالمی شہرت یافتہ باکسر عامر خان نے حضرت داتا گنج بخش رحمۃ اللہ علیہ کے مزار پر حاضری دیتے ہوئے پاکستان میں قیام امن اور اپنی کامیابیوں کیلئے دعائیں مانگی ہیں۔
پاکستان والا پاکستانی نژاد برطانوی باکسر عامر خان نےحضرت داتا گنج بخش علی ہجویری کے مزار پر حاضری دیتے ہوئے پھولوں کی چادر چڑھائی اور پشاور اسکول حملے میں شہید ہونے والے طلبہ کیلئے فاتحہ خوانی کی۔
میڈیا سے گفتگو کرتے ہوئے عامر خان کا کہنا تھا کہ وہ پشاور سانحے پر کافی افسردہ ہیں، عامر خان کا کہنا تھا کہ اگلی فائٹ میں فلائیڈ مے ویدر کیخلاف کامیاب ہوئے تو دوبارہ داتا دربار پر حاضری دینگے، داتا دربار حاضری سے پہلے باکسر عامر خان نے وزیر اعلی پنجاب میاں شہباز شریف سے ملاقات کرتے ہوئے باکسنگ اکیڈیمز کے قیام سمیت دیگر معاملات پر تبادلہ خیال کیا، عامر خان امن کے پیغام کو فروغ دینے کیلئے اہم شخصیات سے ملنا چاہتے ہیں۔
