پشاورسینٹرل جیل میں سکیورٹی خدشات کی وجہ سے دوبارہ اضافی نفری تعینات کردی گئی ہے۔ سکیورٹی کو مزید سخت کر دیا گیا ہے، بنوں اور ڈی آئی خان جیل پر حملوں کے بعد پشاور سنٹرل جیل کو مو صول ہو نے والی دھمکیوں کی وجہ سے پشاور سنٹرل جیل میں پاک آرمی اور پولیس کی بھا ری نفری دوبارہ تعینات کر دی گئی ہیں۔
چند روز قبل پشاور سنٹرل جیل میں قید کا لعدم تنظیم لشکر اسلام اور کا لعدم نفاذ شریعت محمدی کے کا رندوں کے درمیان ہا تھا پا ئی ہو ئی تھی اور کئی قیدی زخمی بھی ہوئے، جس کے بعد پشاور سنٹرل جیل میں پا ک آرمی اور کمانڈوز نے سرچ آپریشن کیا ۔دونوں کا لعدم تنظمیوں کے قیدیوں کے مابین لڑائی کی وجہ سے پشاور سنٹرل کے سپرنٹینڈنٹ اعتزازخان کے خلا ف صوبائی حکومت کی جا نب سے انکوائری بھی جاری ہے۔
Comments
- Advertisement -
