کراچی : پی آئی اے کے پائلٹوں نے الاونس نہ ملنے پر طویل فاصلوں کی پروازوں کو اڑانے سے انکار کردیا ہے، جس کے باعث حج آپریشن کے متاثر ہونے کا خدشہ پیدا ہوگیا ہے۔
بحران کا شکار پی آئی اے پروازوں کی تاخیر کا شکار تو تھی لیکن اب حجاج کرام کی واپسی کا شیڈول بھی ابتدا ہی سے متاثر ہونا شروع ہوگیا ہے۔
ذرائع کے مطابق پی آئی اے کے پائلٹوں نے پچاس فیصد الاونس نہ ملنے پر لمبے فاصلے کی پروازوں کو اڑانے سے انکار کر دیا ہے، جس سے حج آپریشن کے متا ثر ہونے کا خد شہ ہے ، تمام پروازیں تاخیر کا شکار ہو رہی ہیں ساتھ ہی حجاج کرام کو سخت مشکلات کا سامنا ہے۔
