کراچی کے علاقے ناظم آباد بورڈ آفس کے قریب نجی چینل ایکسپریس کی لائیو وین پر نامعلوم افراد نے فائرنگ کی، جس کے نتیجے میں میڈیا کے تین ارکان جاں بحق ہوگئے۔
جاں بحق ہونے والوں میں ایکسپریس نیوز کے ٹیکنیشن، ڈرائیور اور سیکیورٹی گارڈ شامل ہیں، ٹارگٹ کلرز یہاں سے بھی آرام سے فرار ہوگئے، نہ پولیس ٹارگٹ کلرز کو پکڑ سکی نہ ہی رینجرز پکڑ سکی۔
پولیس افسران کا کہنا ہے حملہ آور وں نے سائلنسر لگی بندوق سے فائرنگ کی، نجی چینل پر حملے کی ذمہ داری تحریک طالبان پاکستان کے رہنما احسان اللہ احسان نے قبول کرلی۔
