کراچی : شہید ہونے والے پولیس اہلکاروں کی فیملیز سے اے آروائی کے پروگرام شان رمضان میں اظہار یکجہتی کیا گیا۔
اے آروائی کے پروگرام شان رمضان میں کراچی میں شہید ہونے والے پولیس اہلکاروں کے خاندانوں سے اظہار یکجہتی کیا گیا، پروگرام میں کچھ شہید اہلکاروں کے فیملیز نے بھی شرکت کی، سہراب گوٹھ میں شہید ہونے والے اہلکارکی بیٹی کا کہنا تھا کہ انہیں اپنے والد کی شہادت پر فخر ہے۔
ایک اور شہید اہلکار کی بیوہ نے بتایا کہ ان کے شوہر نے خود فون کرکے بتایا کہ انہیں گولیاں لگی ہیں، نماز پڑھ کر نکلتے ہوئے نامعلوم افراد نے گولیاں ماری، شہید اہلکار اشفاق احمد کی بیوہ کا کہنا تھا کہ شوہر نے بہادری سے دہشتگردوں کا مقابلہ کیا ۔
شاہین اسکول کے باہر شہید ہونے والے اہلکار کی بیوہ کا کہنا تھا کہ انکے شوہر کو ڈیوٹی ختم کر کےنماز کیلئے جاتے ہوئے ٹارگٹ کلنگ کا نشانہ بنایا گیا، شان رمضان پروگرام میں شہید اہلکاروں کی فیملیز سے اظہار یکجہتی کیا گیا اور انہیں بتایا گیا کہ وہ اس غم میں تنہا نہیں پوری قوم ان کے ساتھ ہے۔
