کراچی: حلقے دو سو چھیالیس میں ضمنی الیکشن کے لیے زبردست انتظامات کیے گئے ہیں، شہر میں تین روز کے لئے موٹر سائیکل کی ڈبل سواری پر پابندی لگا دی گئی ہے۔
محکمہ داخلہ سندھ کی جانب سے ڈبل سواری پر پابندی کا نوٹیفیکیشن جاری کردیا گیا ہے، نوٹیفکیشن کے مطابق ڈبل سواری پر پابندی کا اطلاق 23 اپریل کی رات 12 بجے تک ہوگا جب کہ خواتین، بزرگ اور 12 برس سے کم عمر بچوں سمیت صحافی بھی پابندی سے مستثنیٰ ہوں گے۔
این اے 246 کے ضمنی انتخاب کے موقع پر آئی جی سندھ غلام حیدر جمالی نے سکیورٹی خدشات کے پیشِ نظر ڈبل سواری پر پابندی لگانے کی سفارش کی تھی۔
