کوئٹہ: جنکشن چوک پر دھماکے سےچار افراد جاں بحق اور انتیس زخمی ہو گئے جبکہ آگ لگنے سے کئی گاڑیاں اور دکانیں بتاہ ہو گئیں۔
جنکشن چوک پر دھماکے کے نتیجے میں انتیس افراد زخمی ہو گئے ، دھماکہ اس قدر شدید تھا کہ دور دور تک سنا گیا جبکہ قریبی عمارتیں لرز اٹھیں اور کھڑکیوں کے شیشے ٹوٹ گئے، دھماکے سے گرنے والے بجلی کے تاروں کے باعث لگنے والی آگ نے کئی گاڑیوں اور دکانوں کو اپنی لپیٹ میں لے لیا۔
دھماکہ ہوتے ہی قانون نافذ کرنے والے اداروں کے اہلکاروں نے علاقہ گھیرے میں لے لیا ۔ اور فائر برگیڈ کے عملے نے آگ پر قابو پالیا ، دھماکے کے زخمیوں اور لاشوں کو قریبی اسپتال پہنچا دیا گیا جہاں پانچ افراد کی حالت نازک بتائی جاتی ہے ۔
Comments
- Advertisement -
