پاکستان کا پہلا کوٹنگ شو”پی سی ایس2015ء“آئندہ سال منعقد ہوگا ، جس میں یورپ، چین اوربھارت سمیت دنیا کے مختلف ممالک سے تعلق رکھنے والے 150 سے زائد کیمیکلز انڈسٹری کے بین الاقوامی نمائش کار شرکت کریں گے، حکام کے مطابق پاکستان کوٹنگ شو ایک نیا منصوبہ ہے اور پاکستان کی تاریخ میں پہلی مرتبہ بن رشید گروپ نمائش کا اہتمام کررہا ہے.
اس کے انعقاد سے ملک میں کوٹنگ کی صنعت ایک نیا سنگ میل عبورکرے گی، حکام کے مطابق ملک میں پینٹ تیار کرنے والے ادارے روزانہ نئی نئی مصنوعات تیار کررہے ہیں اور ان کی کارکردگی کسی بھی حوالے سے انتہائی حوصلہ افزا ہے، بین الاقوامی نمائش کے انعقاد سے ایجادات اورجدت کو فروغ حاصل ہوگا اورملکی برآمدات کو بڑھانے میں بھی مدد ملے گی
