کراچی کے علاقے فیڈرل بی ایریا میں 7 سالہ بچے ابان کے قاتل نے انکشاف کیا ہے کہ بھارتی فلم دیکھ کر سیکھا کہ قتل کیسے کرتے ہیں۔
دوران تفتیش ملزم نے اعتراف کیا کہ میں نے کچن سے چھری اٹھا کر جیب میں رکھی اور ابان کو لے کر گھر سے نکل گیا اور سنسان جگہ پر لے جاکر ابان کو پیچھے پکڑا اور قتل کردیا۔
- Advertisement -
اے آر وائی نیوز کے نمائندے کے مطابق قاتل صفیان نے بھارتی فلموں اور ڈراموں سے متاثر ہوکر قتل کی واردات کی، پولیس کا کہنا ہے کہ وہ اس حوالے سے مزید تفتیش کیلئے ماہر نفسیات کی بھی مدد لیں گے اور کیس کو آگے بڑھائیں گے۔
واضح رہے کہ چند روز قبل کراچی کے علاقے فیڈرل بی ایریا میں 7 سالہ بچے ابان کو اس کے 15 سالہ کزن نے ہی قتل کیا تھا، پولیس نے ملزم سفیان کو گرفتار کرکے آلہ قتل بھی برآمد کر لیا ہے، ملزم نے قتل کے بعد چھری دھوکر کچن میں رکھ دی تھی۔
