لاہور : چوہنگ میں نامعلوم افراد نے 16 سالہ لڑکی کو سر میں گولی مار کر قتل کردیا، پولیس نے موقع سے شواہد اکٹھے کرکے تحقیقات شروع کردی ہیں۔
تفصیلات کے مطابق لاہور کے علاقے چوہنگ میں نامعلوم افراد کی فائرنگ سے لڑکی جاں بحق ہوگئی، پولیس نے بتایا کہ سولہ سالہ عیشا فاطمہ والد کے ساتھ موٹرسائیکل پر جا رہی تھی کہ جوبلی ٹاؤن کے قریب نامعلوم افراد نے لڑکی کے سر میں گولی ماری ، جس سے وہ موقع پر ہی جاں بحق ہوگئی
واردات کے بعد ملزمان فرار ہوگئے ، واقعے کی اطلاع پر پولیس نے پہنچ کر موقع سے شواہد اکٹھے کر لیے اور تحقیقات شروع کردی ہیں۔
- Advertisement -
پولیس کا کہنا ہے کہ لاش پوسٹ مارٹم کے لیے منتقل کر دی گئی ہے تاہم فائرنگ کی وجہ تاحال معلوم نہیں ہو سکی۔
