کیلیفورنیا: امریکی ریاست کیلیفورنیا میں اسمگلنگ کی 2 کشتیاں سمندر میں تباہ ہو گئیں، جس کے باعث 8 افراد ہلاک ہو گئے۔
امریکی میڈیا رپورٹس کے مطابق حکام نے بتایا ہے کہ کیلیفورنیا کی سان ڈیاگو کاؤنٹی میں ’بَلیکز بیچ‘ کے ساحل کے قریب اسمگلنگ میں ملوث دو کشتیاں الٹنے سے کم از کم آٹھ افراد ہلاک ہو گئے ہیں۔
سان ڈیاگو فائر ریسکیو ڈیپارٹمنٹ کے مطابق موٹر کے ذریعے چلنے والی ماہی گیری کی چھوٹی کشتیوں پانگا میں سے ایک پر سوار ایک شخص نے نائن الیون پر کال کر کے مدد طلب کی تھی۔
فائر ریسکیو ڈیپارٹمنٹ کے مطابق 911 پر کال کرنے والی ایک ہسپانوی خاتون تھیں، جنھوں نے اطلاع دی کہ دو کشتیاں ٹوری پائنز سٹی بیچ تک رسائی کرتے ہوئے الٹ گئی ہیں۔
#BREAKING #USA #CALIFORNIA #CA
🔴CALIFORNIA :#VIDEO SMUGGLING BOAT CAPSIZES OFF SAN DIEGO COAST!
8 people were killed when 2 migrant smuggling boats approached the beach amid heavy fog and one capsized in the surf.#BreakingNews #UltimaHora #SanDiego #Accident
📹 MalikEarnest pic.twitter.com/qDygiyQ792— LoveWorld (@LoveWorld_Peopl) March 12, 2023
حکام کے مطابق جب ریسکیو ادارے ساحل پر پہنچے تو انھوں نے دیکھا کہ ایک کشتی جس پر 8 افراد سوار تھے، تباہی کے بعد ساحل پر آ گئی تھی، جب کہ ایک اور پانگا کشتی جس پر 15 افراد سوار تھے، سرف میں الٹ گئی تھی۔
