لاہور : دو ننھے طبلہ نوازوں نے سننے والوں کے دل جیت لیے

لاہور : دو ننھے طبلہ نوازوں نے طبلے پر خوبصورت دھنیں بجا کر سننے والوں مسحور کردیا، بچوں نے اپنی کارکردگی سے اداکارہ ماہرہ خان کو خراج تحسین بھی پیش کیا۔

اے آر وائی نیوز کے پروگرام باخبر سویرا میں ان باصلاحیت بچوں رائن اور آئیزک نے خصوصی گفتگو کی جس میں ان کا کہنا تھا کہ ہم اپنے بچپن سے ہی طبلہ بجھانا سیکھ رہے ہیں۔

رائن نے بتایا کہ میں تین سال تھا جب میں نے ڈانس سیکھنا شروع کیا اور آئیزک ایک سال کی عمر سے ہی اپنے والد کی گود میں بیٹھ کر طبلہ بجاتا تھا۔

واضح رہے کہ ان بچوں نے اپنی شاندار پرفارمنس سے اداکارہ مائرہ خان کو ان کے فلم کے گانے "مورے سیاں” پر طبلے کی دھن بجا کر خراج تحسین پیش کیا تھا یہ دھن سوشل میڈیا پر بھی بہت وائرل ہوئی جسے دیکھ کر اداکارہ ماہرہ خان نے بچوں کے نام پیغام میں ان کا شکریہ ادا کیا۔

Comments